Author: admin

Policia ka njoftuar sot se është raportuar një rast kanosje në Novobërdë, ngjarje kjo e cila thuhet se ka ndodhur të merkurën e kësaj jave. Fjala është për një femër e cila është kanosur nga një person i dyshuar, rast ky i cili është cilësuar nga policia si dhunë në familje. Sipas policisë, merret vesh se e njejta ka pranuar tretman mjekësor, ndërsa i dyshuari është intervistuar dhe me vendim të prokurorit është liruar në procedure të rregulltë./Gjilani INFO/

Edhe 22 aksidente trafiku me lëndime dhe 27 të tjera me dëme materiale kanë ndodhur gjatë ditës së djeshme, kanë njoftuar sot autoritetet zyrtare policore të Kosovës. Sipas tyre, brenda të njejtës ditë janë shqiptuar edhe 2 mijë e 486 tiketa gjobitëse për pjesëmarrësit në trafik për mosrespektim të ligjit dhe rregullave në trafik. Ndërkaq, po për të njëjtën periudhë kohore janë arrestuar 45 persona, 25 të tjerë janë dërguar në mbajtje dhe 1 në vuajtje të dënimit, bëhet e ditur nga raporti ditor i Policisë së Kosovës./Gjilani INFO/

Është raportuar se persona të panjohur nga një objekt në fshatin Parallovë kanë vjedhur disa pajisje të kuzhinës. Rasti është duke u hetuar, kurse policia e ka cilësuar rastin si vjedhje e rëndë./Gjilani INFO/

Sot parashikohet mot me vranësira të shpeshta, me ndonjë interval kohor me diell në disa lokalitete, ndërsa herë pas here priten edhe reshje lokale shiu. Era do të fryjë kryesisht nga drejtimi i juglindjes, me shpejtësi prej 15-37 km/h. Temperaturat minimale do të luhaten prej 3 deri në 5°C dhe ato maksimale prej 9 deri në 12°C.

Policia ka ndaluar një person të dyshuar në Viti në një pikë kontrolli me ç rast në veturën e tij ka gjetur dhe konfiskuar një armë gjuetie me 4 fishekë. Lidhur me rastin është njoftuar prokurori, rasti shkon në procedurë të rregullt./Gjilani INFO/

Po vazhdojnë punimet në ndërtimin e Stacionit të Autobusëve në Gjilan. Kryetari i Komunës së Gjilanit, Alban Hyseni, tha se po shkojnë drejt përfundimit punimet për ndërtimin e Stacionit të ri të Autobusëve. Ai tregoi se bëhet fjalë për një investim prej 1 milion eurosh që po transformon hapësirën ekzistuese në një objekt funksional dhe me infrastrukturë bashkëkohore për qytetarët dhe transportuesit vendës e të huaj. I pari i Komunës së Gjilanit, theksoi se projekti po finalizohet falë bashkëpunimit me Qeverinë e Kosovës dhe është pjesë e angazhimit të vazhdueshëm për të përmbushur premtimet dhe përmirësuar infrastrukturën për qytetarët e…

Fakulteti i Edukimit i Universitetit Publik “Kadri Zeka” në Gjilan ka vijuar me një sërë aktivitetesh në funksion të përgatitjeve për procesin e riakreditimit të programit studimor Arsimi Fillor, me qëllim sigurimin e përmbushjes së standardeve akademike dhe institucionale të kërkuara. Në kuadër të këtyre përgatitjeve janë mbajtur takime të ndara me grupe të ndryshme, përfshirë stafin akademik, përfaqësuesit e shërbimeve administrative, studentët dhe alumnit e programit dhe pjesëmarrës të tjerë për këtë proces. Këto takime kanë shërbyer për adresimin e çështjeve specifike që lidhen me rolin dhe kontributin e secilit grup në procesin e riakreditimit. Gjatë këtyre takimeve…

Prokuroria Themelore në Gjilan, të hënën e kësaj jave ka ngritur katër (4) aktakuza, kundër pesë (5) personave, për vepra të ndryshme penale. Aktakuzat e ngritura nga kjo Prokurori, janë si në vijim: Një (1) aktakuzë kundër dy (2) personave për veprën penale  ‘’Rrezikimi i trafikut publik ‘’ Një (1) aktakuzë kundër një (1) personi për veprën penale ‘’ Vjedhje e shërbimeve‘’ Një (1) aktakuzë kundër një (1) personi për veprën penale ‘’Vjedhje‘’ Një (1) aktakuzë kundër një (1) personi për veprën penale ‘’Mbajtja në pronësi, kontroll ose posedim të paautorizuar të armëve” ./Gjilani INFO/

Nënkryetarja e Komunës së Kamenicës, Arta Bajralija, së bashku me shefin e kabinetit të kryetarit, Vaxhid Rexhepaj, kanë zhvilluar një takim me anëtarët e Komisionit Komunal për Inicimin dhe Ndihmën ndaj Pronarëve të Ndërtesave në Bashkëpronësi për Krijimin e Shoqatave të Pronarëve. Gjatë këtij takimi është diskutuar për rolin, përgjegjësitë dhe aktivitetet e komisionit, me fokus të veçantë në mbështetjen e pronarëve të ndërtesave në bashkëpronësi për inicimin dhe themelimin e shoqatave të pronarëve, në përputhje me legjislacionin në fuqi. Nënkryetarja Bajralija theksoi rëndësinë e themelimit të këtyre shoqatave për identifikimin e problemeve me të cilat përballen pronarët e ndërtesave…

Të hënën e kësaj jave, në raportin ditor të Policisë së Kosovës, janë regjistruar jo më pak se 51 aksidente trafiku si dhe janë shqiptue 2 mijë e 538 tiketa gjobitëse në trafikun rrugor të vendit tonë. Së këndejmi, bëhet e ditur se përgjatë të njejtit rreth kohor janë arrestuar 46 persona si dhe 20 të tjerë janë dërguar në vuajtje të dënimit./Gjilani INFO/