Author: admin

Ministria e Industrisë, Ndërmarrësisë, Tregtisë dhe Inovacionit (MINTI) dhe Komuna e Gjilanit kanë nënshkruar marrëveshjen e bashkëpunimit për projektimin e Parkut Industrial në Gjilan, duke shënuar një hap të rëndësishëm drejt zhvillimit ekonomik dhe industrial të komunës”, thuhet në njoftimin e MINTI-t. Ministrja e Industrisë, Ndërmarrësisë, Tregtisë dhe Inovacionit, Mimoza Kusari-Lila, së bashku me kryetarin e Komunës së Gjilanit, Alban Hyseni, formalizuan bashkëpunimin vetëm pak javë pas vendimit të Qeverisë së Kosovës për shpalljen e Parkut Industrial në Gjilan. “Ky projekt synon krijimin e kushteve më të favorshme për investime, zgjerimin e kapaciteteve prodhuese, zhvillimin e aktiviteteve ekonomike dhe hapjen…

Me përfundimin e muajit maj dhe fillimin e muajit qershor, ekipet e Departamentit të Hapësirave Publike në NPL Tregu po vazhdojnë punën e tyre të rregullt në terren, duke u kujdesur për pastërtinë dhe rregullimin e hapësirave publike në gjithë territorin e komunës. Sipas drejtuesve të ndërmarrjes, aktivitetet përfshijnë pastrimin e parqeve, shesheve, trotuareve dhe mirëmbajtjen e sipërfaqeve të gjelbra, me qëllim që qytetarëve t’u ofrohet një mjedis më i pastër dhe më i rregullt. Ushtruesi i detyrës së Kryeshefit Ekzekutiv, Bajram Isufi, theksoi se angazhimi i ekipeve në terren po vazhdon çdo ditë me përkushtim të plotë, duke kontribuar…

Sot në Gjilan, ministri i Shëndetësisë Arben Vitia bashkë me kryetarin Alban Hyseni dhe kandidatët e Lëvizjes Vetëvendosje, takuan profesionistët shëndetësorë. Për investimet në përmirësimin e infrastrukturës dhe shërbimeve, bashkëpunimin e mirë dhe përkrahjen e vazhdueshme nga Qeveria e Republikës së Kosovës, kryetari Alban Hyseni e falënderoi ministrin Vitia në takimin me profesionistët shëndetësorë. Ministri Vitia i njoftoi mantelbardhët me vendimin për themelimin e Fondit të Sigurimit të Detyrueshëm të Kujdesit Shëndetësor të Republikës së Kosovës, si një hap i rëndësishëm në zbatimin e ligjit dhe jetësimin e zotimit tonë për sigurimet shëndetësore. Sigurimet shëndetësore janë mekanizëm solidariteti dhe…

“Mireshi me entuziazëm priti kryetarin Alban Hyseni dhe kandidatët e listës së Lëvizjes Vetëvendosje! Për punën e mirë që është bërë dhe që duhet të vazhdojë në mandatin tjetër, e mobilizimin për 7 qershorin folën, kryetari Hyseni dhe kandidatët para banorëve në tubimin e mbajtur sot”, thuhet në njoftim. Në Vetëvendosje thonë se përkrahja për Lëvizjen po rritet në Miresh, sepse shteti kujdeset për secilën familje. Mireshi më 7 qershor ia qesin pikën.

LDK ka vazhduar fushatën elektorale dhe kreu i Degës së Gjilanit, njëherësh njëri nga kandidatët  për deputet, Lutfi Haziri  ka thënë se në Gjilan bashkohen tre brezat e LDK-së, ai i politikave të rezistencës, brezi i Republikës dhe brezi i Kosovës Europiane. Haziri ka thënës e respektojnë veprimtarin maksimalisht, por i kanë hapur derën të rinjve në logjikën ku gratë vendosin e burrat implementojnë, ku të rinjtë kërkojnë dhe burrat e gratë e implementojnë politika të përbashkëta. “Ju falënderoj prej fundit të zemrës lagjeve, Dheu i Bardhë, Dardania, 2 Korriku, Baja, Qendra e Fidanishte, për përkrahjen e përhershme ndaj…

Lëvizja Vetëvendosje, në kuadër të fushatës së saj elektorale ka mbajtur tubim edhe në Përlepnicë të Gjilanit. “Në tubimin e mbajtur në Përlepnicë, të gjithë ishin njëzëri për Lëvizjen Vetëvendosje! dhe shtetin për krejt. Banorët mirëpritën kandidatët, të cilët shpalosën para tyre zotimet tona për mandatin e ri të zhvillimit të vendit”, thuhet në njoftimin e Lëvizjes Vetëvendosje, Qendra në Gjilan. Në Vetëvendosje thonë se edhe në Përlepnicë, mobilizimi po rritet çdo ditë drejt 7 qershorit. Numrit 116, qitja pikën.

Lëvizja Vetëvendosje në Gjilan ka bërë me dije se kandidatët e saj për deputetë vizituan poliklinikën ikonë të qytetit, “Diagnoza”, një institucion shëndetësor ku mbi 100,000 pacientë kanë marrë shërbime që nga periudha e paraluftës. “Kontributi i familjes Poroshtica, edhe në kohët më të errëta të luftës, mbetet i freskët në kujtesën tonë kolektive dhe përfaqëson një shembull të përkushtimit ndaj qytetarëve. Të impresionuar nga rinovimi i ambienteve dhe mbi të gjitha nga cilësia e shërbimeve që ky institucion shëndetësor vazhdon të ofrojë, mes shumë kujtimesh nga e kaluara, përmbyllëm vizitën tonë me respekt e mirënjohje”. thuhet në njoftimin…

Lidhja Demokratike e Kosovës (LDK) ka vazhduar edhe sot  me aktivitetet elektorale në kuadër të fushatës për zgjedhjet e 7 qershorit. “’Pëlcet’ masoviteti në Gjilan, rugovistët u bënë bashkë për rikthimin e madh të LDK-së më 7 qershor. LDK, besë e shpresë për Kosovën!”, thuhet në njoftimin e këtij subjekti politik.

Aktivitetet elektorale të Lëvizjes Vetëvendosje, Qendra në Gjilan, për zgjedhjet e 7 Qershorit kanë vazhduar mbrëmë në Zhegër të Gjilanit. “Në Zhegër, pritja ishte e përzemërt e vullneti i madh në përkrahje të Lëvizjes dhe kandidatëve tanë. Programin, zotimet dhe thirrjen për mobilizim në çdo familje, i përcollën kandidatët e Lëvizjes në tubimin e mbajtur sot me banorët e fshatit. Zhegra më 7 qershor, rreshtohet krah shtetit për krejt”, thuhet në njoftimin e Vetëvendosjes.

Lëvizja Vetëvendosje, Qendra në Gjilan ka vazhduar takimet elektorale edhe përgjatë ditës së sotme dhe njëri prej takimeve ka qenë edhe ai me mbështetësit në Cërnicë të Gjilanit. “Cërnica mirëpriti kandidatët e Lëvizjes Vetëvendosje në tubimin e mbajtur sot me banorë dhe mbështetës të shtetit për krejt. Zotimet tona janë hallet dhe nevojat e banorëve, që do të realizohen me punë dhe përkushtim, pa u ndalur asnjëherë. Me 7 qershor, shtetit për krejt qitja pikën te numri 116”, thuhet në njoftimin e Vetëvendosjes.