Me një atmosferë festive, ushqime tradicionale dhe shoqëri mes qytetarëve, është përmbyllur mbrëmë një nga aktivitetet që shënoi fundin e Kamenica Summer Fest 2026.
Në Amfiteatrin e Lugut të Verdhë u mbajt “Darka e Kryetarit me Qytetarë”, një mbrëmje e veçantë që mblodhi qytetarë të shumtë për të shijuar së bashku një natë të mbushur me emocione, biseda dhe kujtime nga ditët e festivalit.
Darka u shoqërua me ushqime tradicionale vendore dhe një atmosferë të ngrohtë, duke krijuar një moment të veçantë bashkimi mes qytetarëve dhe institucioneve lokale.
Me këtë rast, kryetari i Kamenicës, Kadri Rahimaj, falënderoi qytetarët për pjesëmarrjen në darkën përmbyllëse, por edhe për mbështetjen gjatë gjithë aktiviteteve të Kamenica Summer Fest 2026.
“Një falënderim i veçantë shkon për të gjithë ata që kontribuuan në realizimin e këtij festivali dhe që, me praninë dhe mbështetjen e tyre, e bënë Kamenicën edhe më të gjallë gjatë këtyre ditëve”, ka thënë Rahimaj.
Kjo mbrëmje ishte gjithashtu një mundësi për të bashkëbiseduar, për të rikujtuar momentet më të bukura të festivalit dhe për të festuar së bashku një verë të pasur me muzikë, sport, kulturë dhe aktivitete për të gjitha moshat.
Me “Darkën e Kryetarit me Qytetarë”, Kamenica i dha fund një vere të mbushur me aktivitete dhe atmosferë festive, duke lënë pas kujtime të shumta për qytetarët dhe mysafirët e saj./Gjilani INFO/
