Author: admin

Për vite të tëra Palestra e Sporteve në Gjilan, ishte në gjendje të mjerueshme, por tash kanë nisur investimet në vlerë prej 2.7 milionë eurove për renovimin tërësishëm të sallës. Kryetari i Komunës së Gjilanit Alban Hyseni tha se pas shumë vitesh pritje, Palestra e Sportit, po rilindë. Një projekt që shpejt bëhet realitet për qytetin tonë dhe për sportistët që na frymëzojnë çdo ditë. “Me një investim prej 2.7 milionë eurosh, palestra do të marrë një pamje krejt të re, moderne e dinjitoze, siç i ka hije. Për kampionët tanë, për krenarinë tonë të përbashkët, për Lojërat Mesdhetare 2030,…

Instituti Hidrometeorologjik i Kosovës, ka njoftuar se sot moti do të jetë kryesisht i vranët. Sipas njoftimit, temperaturat minimale do të lëvizin ndërmjet -5°C dhe -2°C, ndërsa ato maksimale do të variojnë nga 2°C deri në 6°C. Era do të jetë e lehtë nga drejtimi i verilindjes.

Programi i Festivalit të Dramës Origjinale Shqipe “Talia e Flakës 2025”, 22 – 28 janar 2025 Të gjitha shfaqjet fillojnë nga ora 20:00 dhe janë me bileta, ndërsa çmimi i biletave është 2 euro dhe 1 euro (për studentë, pensionistë dhe kategori tjera sociale) Festivali organizohet nga OJQ “Varg e Vi” dhe vjen në kuadër të Manifestimit Mbarëkombëtar “Flaka e Janarit”, përkrahur nga Komuna e Gjilanit. /GJILANI INFO/

Në mbrëmjen e tretë të “Fest Film“, i cili po zhvillohet në kuadër të „Flakës së Janarit 2025“ është shfaqur filmi “Galaktika e Andromedës”, i regjisores More Raça. Në film luajnë aktorët: Aurita Agushi, Sunaj Raça, Don Raça dhe Elda Jashari. Filmi trajton fatin e një babi kosovarë në periudhën e pasluftës, i cili është i papunë dhe në kërkim të çfarëdo pune dhe që jeton i vetëm me vajzën e tij, duke mos pasur as shtëpi, por me ëndrra për një të ardhme më të mirë. Një takim i rastësishëm me një grua, e cila bënë jetën e…

GRATË NË LAGJËN “TREGU I GJELBËR” PËRKRAHIN LËVIZJEN Kandidatët për deputetë morën sot mbështetje për Lëvizjen VETËVENDOSJE! nga gratë e lagjes “Tregu i Gjelbër”, gjatë takimit dhe në bashkëbisedim të përzemërt me to. Çdo lagje dhe fshat, kudo në vend, cep më cep Republikës për numrin 118 dhe Kryeministrin Albin Kurti. #118

MALISHEVA PËR VETËVENDOSJE! Mbeshtetës të shumtë, nga çdo cep i Malishevës bëhen bashkë me 500 mijë të tjerë gjithandej Kosovës, për fitoren e numrit 118 më 9 shkurt. Kandidatët për deputetë: Luan Aliu, Liza Gashi, Ismajl Kurteshi, Arbëreshë Kryeziu Hyseni dhe Arijeta Rexhepi folën për arritjet në fushën e sigurisë, energjisë, bujqësisë dhe mirëqenies sociale. Malisheva frymon VETËVENDOSJE! për Albin Kurtin Kryeministër të Republikës, progresin në vend dhe drejtimin e duhur, kah e mira e kah e mbara.

Prokuroria Themelore në Gjilan, gjatë javës së fundit, përkatësisht nga data 13 – 19 janar 2025, ka regjistruar gjithsej gjashtëdhjetetri (63) kallëzime penale, ndaj gjashtëdhjetetetë (68) personave. Gjithashtu, gjatë kësaj jave janë proceduar: tetëmbëdhjetë (18) aktakuza, ndaj nëntëmbëdhjetë (19) personave, tetëmbëdhjetë (18) aktvendime (përfshirë aktvendime për fillimin e hetimeve, për fillimin e procedurës përgatitore, për pushimin e hetimeve, zgjerimin e hetimeve, për hedhje të kallëzimit penal, aktvendime të ekspertëve mjeko – ligjor, aktvendim për ekzaminime), gjashtëdhjetedy (62) kërkesa të ndryshme drejtuar policisë, pesë (5) persona të ndaluar, tri (3) kërkesa për sigurimin e të pandehurve në procedurë penale, ndaj tre (3)…

Prokuroria Themelore në Gjilan, me urdhër të prokurorit ka ndaluar dy (2) persona, në kohëzgjatje prej 48 orëve. Ndalimet e personave me urdhër të prokurorit: Prokuroria Themelore në Gjilan, me urdhër të prokurorit ka ndaluar dy (2) persona, në kohëzgjatje prej 48 orëve, për shkak të dyshimit se ka kryer veprën ‘’Grabitja’’. /GJILANI INFO/

Njësiti i Hetimeve Rajonale nga Drejtoria Rajonale e Policisë në Gjilan me datën 19.01.2025 si rezultat i ndërmarrjes së veprimeve të shpejta dhe efikase operative e hetimore ka arritur që të identifikojë, lokalizojë dhe arrestojë dy persona të dyshuar meshkuj kosovar  E.D. (viti i lindjes 2002) dhe A.I. (viti i lindjes 2002), të dyshuar për përfshirje në rastin grabitje. Rasti kishte ndodhur një ditë më parë me datën 18.01.2024, ku të dyshuarit nën kërcënimin e mjeteve të mprehta (sëpatë dhe thikë), i kanë grabitur viktimës mashkull kosovar një zinxhir qafe nga ari dhe një orë dore. Të dyshuarit pas…

Komuna e Kamenicës, përmes Zyrës për Barazi Gjinore, në bashkëpunim me Advocacy Training and Resource Center – ATRC, ka organizuar takim me gratë fermere me temën “Qasja e grave fermere në të drejtat pronësore, pronën bashkëshortore dhe të drejtat mbi tokën bujqësore”. Pas takimit, grave iu ofrua asistencë këshillimore për të adresuar çështjet pronësore. Për shkak të procedurave të gjata dhe kostove të larta që shpesh i pengojnë gratë të ndjekin rrugët ligjore për bartjen e pronave, kjo është një mundësi e jashtëzakonshme për gratë që të zgjidhin çështjet e tyre pronësore pa asnjë kosto, duke ofruar mbështetje konkrete…