“Ju falënderojmë nga zemra për mbështetjen e madhe që na keni dhënë gjatë këtyre zgjedhjeve, duke besuar gjithnjë se është e mundur që vendi ynë të bëhet vend më i mirë për të gjithë ne dhe ata që do të vijnë pas nesh”, thuhet përmes një komunikate nga Lëvizja Vetëvendosje, Qendra në Gjilan, me të cilën iu janë drejtuar qytetarëve gjilanas.
Tutje thuhet jemi mirënjohës ndaj secilit aktivist e secilës aktiviste dhe strukturave tona që nuk u ndalën gjatë gjithë muajit duke dëshmuar angazhim të jashtëzakonshëm për arritjen e këtij rezultati.
“Posaçërisht falënderojmë mbështetësit tanë që nuk i kemi takuar asnjëherë, por që punuan shumë për këtë fitore. Ata janë shumë dhe ne ndonëse nuk i njohim nga afër, e ndiejmë forcën dhe energjinë e tyre, e punën dhe besimin e sinqertë”, theksohet në komunikatë.
Sipas komunikatës së Lëvizjes Vetëvendosje në Gjilan është thënë se Diaspora jonë edhe kësaj here ishte e mobilizuar në gjithë botën në mbështetje të Lëvizjes Vetëvendosje dhe Kryeministrit Albin Kurti duke theksuar së të vazhdohet bashkë për Republikën tonë./GJILANI INFO/
