Sipas tij, pavarësisht rezultatit të zgjedhjeve në komunën e Gjilanit, procesi zgjedhor është zhvilluar i qetë dhe pa incidente, duke treguar pjekuri politike dhe maturi qytetare, për të realizuar secili të drejtën e vet për të votuar për subjektin e caktuar politik, bazuar në vlerësimet e tyre për punën e pushtetit dhe të opozitës në Gjilan dhe në Kosovë.
“Nuk është pak që mbi 10 mijë gjilanas ia hoqën besimin e dhënë pushtetit të VV-së, si pasojë e dështimeve të mëdha në të gjitha projektet kapitale për Gjilanin, si pasojë e degradimit të institucioneve tona dhe për keqpërdorimet e mëdha që i kanë bërë gjatë këtij mandati katër vjeqar qeverisës. Ne jemi falënderues për rritjen e besimit që e kanë treguar mbi 8 mijë qytetarë të Gjilanit (2500 vota më shumë se sa në zgjedhjet e vitit 2021).”, është shprehur Rashiti.
Tutje, ai ka thënë se prej vitit 2010 e këndej, si parti në Gjilan kanë pësuar rënie në secilin proces zgjedhor për shkak gjendjes jo të mirë në degë. “Për herë të parë pas 15 vitesh, dje në Gjilan e kemi shënuar ngritjen dhe rritjen e parë si subjekt politik, falë unitetit të krijuar në degë, reformës së brendshme, ri-organizimit dhe kontributit të secilit anëtar në kuadër të strukturës sonë.
Kreu i kësaj partie, ka falënderuar dhe ka shprehur mirënjohje për secilin qytetar, anëtarë, aktivistë dhe simpatizantë të PDK-së për punën e jashtëzakonshme dhe kontributin e tyre gjatë kësaj fushate, duke treguar fuqinë e PDK-së e cila është rritur dhe do të rritet edhe më shumë, për garën e re dhe për t’i fituar zgjedhjet komunale.
“I falënderoj kandidatët tanë për deputet, të cilët kanë bërë një fushatë tejet pozitive, ku puna e tyre bashkë me strukturën e degës, ka treguar se ne po ri-kthehemi gradual aty ku e meritojmë vendin tonë për të udhëhequr me Gjilanin”, është shprehur Rashiti.
Ai ka theksuar se energjia, pozitiviteti, motivi që ka treguar struktura dhe anëtarësia e PDK në Gjilan, e bëjnë edhe më të vendosur për të vazhduar rrugëtimin politik deri në fitoren e zgjedhjeve.
Sipas tij, për PDK-në, fushata për zgjedhjet komunale fillon që nga nesër e tutje.
Kreu iPDK-së në Gjilan, Riad Rashiti ka thënë se kjo fushatë e dëshmoi se ne, bashkë jemi shumë më të fortë dhe mund të arrijmë deri në fitoren e Partisë Demokratike të Kosovës.
“Faleminderit të gjithëve juve, ju jam mirënjohës të pa përjashtim”, ka thënë ai./GJILANI INFO/
