Author: admin

Sot parashihet të mbajë mot me diell dhe pjesërisht i vranët në vend. Sipas parashikimeve meteorologjike, kushtet atmosferike do të jenë më të qëndrueshme, ndërsa probabiliteti për reshje mbetet i ulët. Temperaturat minimale do të lëvizin ndërmjet 11 dhe 14 gradë Celsius, ndërsa ato maksimale pritet të arrijnë nga 26 deri në 29 gradë Celsius. Era do të fryjë nga drejtimi i verilindjes me shpejtësi prej 1 deri në 4 metra në sekondë.

Kryetari i Komunës së Vitisë, Sokol Haliti, së bashku me drejtoreshën e QKMF-së, Vjollca Kadolli-Halili, dhe drejtorin e Shëndetësisë dhe Mirëqenies Sociale, Halil Musliu, kanë nënshkruar Memorandumin e Mirëkuptimit me Projektin e Kujdesit Shëndetësor të Qasshëm dhe Cilësor (AQH), të përfaqësuar nga drejtuesi i ekipit, Nicu Fota. Ky memorandum është në vazhdën e bashkëpunimit të nisur në vitin 2024, kur Komuna e Vitisë u bë pjesë e fazës së tretë të projektit AQH, i financuar nga Agjencia Zvicerane për Zhvillim dhe Bashkëpunim (SDC), me qëllim avancimin e shërbimeve të kujdesit parësor shëndetësor. Memorandumi parasheh një investim prej rreth 60 mijë…

Prokuroria Themelore në Gjilan ka ngritur dymbëdhjetë (12) aktakuza kundër dymbëdhjetë (12) personave për vepra të ndryshme penale. Sipas njoftimit të prokurorisë, katër (4) aktakuza janë ngritur për veprën penale “Dhuna në familje”, dy (2) për veprën penale “Sulmi”, ndërsa nga një (1) aktakuzë është ngritur për veprat penale “Asgjësimi apo dëmtimi i pasurisë”, “Shpërdorimi i pasurisë së huaj”, “Ndërtimi pa leje”, “Vjedhja”, “Mashtrimi” dhe “Posedimi i paautorizuar i narkotikëve, substancave psikotrope ose analoge”. Prokuroria Themelore në Gjilan ka bërë të ditur se do të vazhdojë trajtimin e rasteve penale në përputhje me kompetencat dhe detyrimet ligjore./Gjilani INFO/

Sipas statistikave të përgjithshme të policisë për 24 orët e fundit: Nuk është raportuar asnjë aksident trafiku me fatalitet. Janë regjistruar 37 aksidente trafiku me të lënduar dhe 33 aksidente trafiku me dëme materiale. Policia ka shqiptuar 2182 tiketa trafiku si dhe ka arrestuar 11 persona, kurse 6 persona janë dërguar në mbajtje. Pastaj nuk është raportuar asnjë person në ndalim policor dhe 1 person është dërguar në vuajtje të dënimit. Autoritetet vazhdojnë të apelojnë për kujdes të shtuar në trafik dhe respektim të rregullave të komunikacionit, me qëllim të parandalimit të aksidenteve dhe rritjes së sigurisë rrugore./Gjilani INFO/

Policia e Kosovës ka njoftuar se më 15 qershor 2026, rreth orës 18:30, në Viti është arrestuar një person i kërkuar, bazuar në urdhërarrestin e lëshuar nga gjykata. Sipas policisë, i arrestuari është një mashkull kosovar i dyshuar për veprën penale “Mashtrim me subvencione”. Pas arrestimit dhe procedurave të nevojshme, me vendim të prokurorit, i dyshuari është dërguar në mbajtje. Rasti është në procedurë të mëtejme hetimore./Gjilani INFO/

Sot pritet të mbajë mot kryesisht me diell dhe intervale me vranësira. Sipas parashikimeve, gjatë pjesës së dytë të ditës vranësirat do të shtohen dhe në disa zona mund të sjellin reshje të shkurtra shiu të shoqëruara me shkarkesa rrufesh. Temperaturat minimale do të sillen nga 10 deri në 13 gradë Celsius, ndërsa maksimalet pritet të arrijnë nga 25 deri në 27 gradë. Era do të fryjë kryesisht nga drejtimi verilindjes, me intensitet 1–9 m/s

Komuna e Gjilanit, ka shënuar 27-vjetorin e çlirimit të Gjilanit. me një sërë aktivitetesh kulturore, sportive dhe përkujtimore të cilat përfunduan mbrëmjen e së hënës. Kryetari i Komunës së Gjilanit, Alban Hyseni, tha se në 27-vjetorin e çlirimit, me nderim dhe mirënjohje kujtojmë një nga ditët më të rëndësishme të historisë së qytetit tonë. Sipas tij kjo është dita kur përulemi me respekt para dëshmorëve, martirëve, veteranëve, invalidëve të luftës dhe të gjithë atyre që sakrifikuan për lirinë që e gëzojmë sot. I pari i Gjilanit ka uruar nga zemra të gjithë qytetarët për Ditën e Çlirimit të qytetit tonë.…

Kuvendi Komunal i Gjilanit, nën udhëheqjen e Krenare Latifi- Kqikut, të hënën ka mbajtur seancë solemne, për nder të 27-vjetorit të çlirimit të Gjilanit, në të cilën morën pjesë përfaqësues të Komunës, përfaqësues nga institucionet e sigurisë e përfaqësues nga shoqatat e dala nga lufta e UÇK-së. Në fjalën e rastit, kryesuesja e Kuvendit, Krenare Latifi-Kqiku, tha se kjo datë e shënuar na rikthen në kujtesë një nga momentet më të rëndësishme të historisë sonë të re, ditën ku më 15 qershor 1999, Gjilani dhe mbarë Kosova nisën një kapitull të ri të lirisë, shpresës dhe dinjitetit njerëzor. “Liria…

Kryetari i Komunës së Gjilanit, Alban Hyseni, ka nënshkruar Memorandumin e Bashkëpunimit me ministren e Tregtisë, Industrisë, Ndërmarrësisë dhe Inovacionit, Mimoza Kusari Lila, për krijimin e Parkut Industrial në Gjilan. “Ky është një hap i rëndësishëm drejt zhvillimit ekonomik të qytetit tonë, krijimit të vendeve të reja të punës dhe mbështetjes së bizneseve e investitorëve. Gjilani po krijon kushtet për një të ardhme më të fortë zhvillimore”, tha Hyseni. I pari i Gjilanit, theksoi se bashkë me institucionet qendrore do të vazhdojnë angazhimin për ta bërë Gjilanin një qendër të rëndësishme të zhvillimit ekonomik dhe industrial në vend. “Falënderojmë Qeverinë…

Sot pritet mot kryesisht i kthjellët dhe me intervale me diell, ndërsa herë pas here do të ketë edhe kalime vranësirash. Në gjysmën e dytë të ditës, vranësirat do të shtohen dhe në disa rajone mund të sjellin reshje lokale shiu, të shoqëruara me vetëtima dhe bubullima. Në zona të veçanta ekziston mundësia edhe për paraqitje të breshërit. Temperaturat minimale do të sillen ndërmjet 13 dhe 17 gradë Celsius, ndërsa maksimalet pritet të arrijnë nga 26 deri në 29 gradë Celsius. Era do të fryjë kryesisht nga verilindja me shpejtësi 1–11 m/s.