Author: admin

Është arrestuar një person i dyshuari në Viti, në rrugën “Rexhep Bislimi”, pasi që njësitet policore në veturën e tij kanë gjetur dhe konfiskuar një pistoletë me gaz. Në konsultim me prokurorin, i dyshuari pas intervistimit është liruar në procedurë të rregullt. /GJILANI INFO/

Mbrëmë në Shtëpinë e Kulturës në Kamenicë u mbajt ceremonia e “Ditës së Nderit”, organizuar për herë të parë në Komunën e Kamenicës. Në këtë ngjarje solemne u nderuan personalitete të cilët kanë dhënë kontribut të çmuar në zhvillimin dhe historinë e vendit. Kryetari i Komunës Kadri Rahimaj në fjalën e tij hyrëse përshëndeti të pranishmit duke thënë se kjo ditë i kushtohet atyre që e ngritën lart krenarinë, identitetin dhe dinjitetin tonë kombëtar. “Ne nuk jemi mbledhur këtu vetëm për të kujtuar, por për të përkujtuar me nderim dhe për të falënderuar me përgjegjësi institucionale ata që ndërtuan…

Kryetari i Komunës së Gjilanit, Alban Hyseni, bashkë me deputeten e Kuvendit të Kosovës Arijeta Rexhepin, kanë vizituar kompaninë e përpunimit të drurit, Uniko. Kryetari i Komunës së Gjilanit, Alban Hyseni, tha se: pata kënaqësinë të vizitoj biznesin Uniko, të themeluar e drejtuar nga Sahit dhe Flamur Ibrahimi. “Në sektorin e përpunimit të drurit, ata kanë ndërtuar një histori të veçantë suksesi, duke punësuar 10 punëtorë dhe duke arritur që deri në 30% të prodhimit ta eksportojnë jashtë vendit”, tha Alban Hyseni. I pari i Komunës së Gjilanit, theksoi se shembuj si ky na frymëzojnë të ecim përpara drejt Gjilanit…

Prokuroria Themelore në Gjilan, gjatë 24 orëve të fundit, ka ngritur gjashtë (6) aktakuza kundër gjashtë (6) personave, për vepra të ndryshme penale. Aktakuzat e ngritura: Prokuroria Themelore në Gjilan, ka ngritur gjashtë (6) aktakuza kundër gjashtë (6) personave, për vepra të ndryshme penale, si në vijim: Tri (3) aktakuza kundër tre (3) personave për veprat penale  ‘’Vjedhja e shërbimeve ”, Dy (2) aktakuza kundër tre (2) personave për veprat penale  ‘’Kanosja”, Një (1) aktakuzë kundër një (1) personi për veprat penale  ‘’Lëndimi i lehtë trupor ”./GJILANI INFO/

Pronari i automjetit kombi pa targa ka njoftuar Policinë në Gjilan se iu është vjedhur automjeti nga persona të panjohur. Sipas Policisë thuhet se rasti ësht duke u hetuar./GJILANI INFO/

Një fëmi në Gjilan ka gjetur 5 gëzhoja fishekësh të një lloji arme, e të cilat pastaj janë konfiskuar nga njësiti policorë. Lidhur me rastin është njoftuar edhe prokurori, kurse shkrehja e këtyre fishekëve është cilësuar si shkaktim i rrezikut të përgjithshëm-armëmbatje pa leje./GJILANI INFO/

Në oborrin e shtëpisë së tij është gjetur një person pa shenja jete, vdekjën e të cilit e ka konstatuar edhe mjeku i emergjencës. Me vendim të prokurorit trupi i pajetë i tij është dërguar për obduksion në Institutin e Mjekësisë Ligjore në Prishtinë./GJILANI INFO/

Ishte në patrullim njësiti policorë kur kishte dëgjuar të shtëna armësh në një aheng familjarë, në fshatin Cërnicë. Aty, pasi kontrollohen dy persona të dyshuar janë gjetur dhe konfiskuar dy pistoleta me të cilat dyshohet se kishin ndodhë të shtënët, 5-fishekë dhe 20 gëzhoja cal-9 mm. Në konsultim me prokurorin, të dyshuarit pas intervistimit janë liruar në procedurë të rregullt, njoftohet nga Policia./GJILANI INFO/

Policia po e heton një rast të zhdukjes së dy personave të mitur nga Kopernica e Kamenicës, bëjnë me dije burimet zyrtare policore. Personi që ka raportuar në polici ka thënë se djali i tij së bashku me një familiar të tyre poashtu i mitur, janë larguar nga shtëpia pasditën e djeshme dhe se nuk dihet vendndodhja e tyre./GJILANI INFO/

Sipas një raporti shtesë nga Policia e Kosovës, për një rast dhunimi që ka ndodhur me 26.04 2025 në Viti, thuhet se lidhur me rastin  është arrestuar dje personi i dyshuar. I njëjti pas intervistimit me vendim të prokurorit është dërguar në mbajtje, bëhet e ditur nga Policia./GJILANI INFO/