Në Gjilan është raportuar një rast i vjedhjes, ku persona të panjohur dyshohet se kanë depërtuar me forcë në një vilë gjatë natës së 27 dhe 28 shtatorit.
Sipas raportimit, nga vila janë vjedhur një pushkë gjuetie, për të cilën pronari posedonte leje, një rrethatore me 10 fishekë të pushkës së gjuetisë, si dhe një çantë me mjete pune.
Njësitë relevante policore kanë dalë në vendin e ngjarjes dhe kanë ndërmarrë veprimet e nevojshme hetimore. Për rastin është njoftuar prokurori.
Rasti po hetohet nga organet kompetente./Gjilani INFO/
