NGA BEQIR SINA
Ish i ushtari i Batalionit Atlantiku e njohur si “UÇK-ja e Amerikës”, Ymer Kukaj, nga Plava, është ndarë nga jeta pas një sëmundje të pashërueshme në moshën 81 vjeçare.
Njoftimin për vdekjen e të ndjerit, e ka dhënë nëpërmjet rrjetit social Fb, një nga nipat e tij në New York, Ramiz Kukaj.
Ramizi, thotë se Ymeri (Mixha i tij) do të kujtohet përherë me krenari nga fisi Kukaj, që iu bashkëngjitë Batalionit Atlantiku, për të luftuar për lirinë e Kosovës :
Kukaj , në kumtin e hidhërimit shkruajti : “Mixha im i dashtun! Sot na le dhe ndrrove jetë. Sa dhimbje që të humbëm e sa krenari që të patëm.Jetove për të mos vdekur kurr! Lum ne që të patëm e lum Kosova që të rriti burr e trim si ti!
Lum ti qe për komb e vatan nuk u kurseve kurrë!
Pusho në paqe Mixh i dashtun, pusho në paqe Mesues i dashtun, pusho në Paqe Luftëtarë i Lirisë së Kosovës. Lavdi vepres tande se kujtimi për ty, nuk do vdes kurrë. Kujtim ky që do të mbetet gjall djal mbas djali e nip mbas nipi!!”.
