Drejtoria rajonale e Policisë, Njësia Rajonale e Komunikacionit Rrugor në Gjilan në vazhdimësi ndërmerr veprime ndaj vozitësve që shkaktojnë kundërvajtje duke rrezikuar vetën e tyre, por edhe pjesëmarrësit tjerë në komunikacionin rrugorë.
Është shqiptuar gjobë ndaj kompanisë dhe vozitësit i cili ka drejtuar automjetin transportues duke tërhequr rimorkion në të cilën transportonte ngarkesë përtej masave të parapara me ligj, të cilën nuk e ka sinjalizuar me tabele përkatëse dhe nuk është pajisur me leje të veçantë për të siguruar përcjellje të veçantë, njofton Zyra për informim dhe marrëdhënie me publikun e Policisë në Gjilan.
“Këto aktivitete shtesë bëhen më qëllim të parandalimit të rasteve të aksidenteve në komunikacionin rrugorë sidomos aksidenteve me fatalitet”, njofton Zyra për informim dhe marrëdhënie me publikun e Policisë në Gjilan./Gjilani Info/
