Një person është arrestuar në Gjilan nën dyshimin për posedim të substancave narkotike, pasi policia i ka gjetur drogë gjatë një kontrolli.
Sipas Policisë së Kosovës, rasti ka ndodhur në orën 00:40 të datës 28 korrik 2026, në rrugën “Lufta e Gjilanit”. Gjatë kontrollit të një të dyshuari, mashkull kosovar, zyrtarët policorë kanë gjetur dhe sekuestruar 5.38 gramë substancë narkotike të dyshuar të llojit hashash.
Lënda narkotike është konfiskuar si provë materiale, ndërsa i dyshuari është shoqëruar në stacionin policor për procedurat e nevojshme.
Me vendim të prokurorit, ai është liruar në procedurë të rregullt, ndërsa hetimet për veprën penale “Posedim i narkotikëve” do të vazhdojnë./Gjilani INFO/
