Një person I moshës 27 vjeçare është gjetur pa shenja jete në një shtëpi pranë rrugës “Tranzit” të Gjilanit, lajm ky të cilin e ka konfirmuar zëdhënësi i Policisë së Kosovës për rajonin e Gjilanit, togeri Ismet Hashani.
Sipas tij, ekipet e hetuesve dhe forenzikës rajonale në bazë të ekzaminimit të vendit të ngjarjes kanë konstatuar se personi i pajetë, pa shenja dhune në trup është shtetas i Kosovës, i lindur më 1995 me banim në Gjilan.
“Një person është gjetur pa shenja jete në një shtëpi pranë rrugës ‘Tranzit’, në Gjilan. Kurse, ekipet e hetuesve dhe forenzikës rajonale në bazë të ekzaminimit të vendit të ngjarjes kanë konstatuar se personi i pajetë, e pa shenja dhune në trup është shtetas i Kosovës i lindur më 1995 me banim në Gjilan”, ka thënë Hashani.
Për rastin thuhet se është njoftuar prokurori i shtetit i cili ka urdhëruar që trupi i pa jetë të dërgohet në IML për kryerjen e obduksionit.
“Hetimet do të zhvillohen nga Policia e Kosovës, njësitet e hetimeve rajonale në koordinim me prokurorin e shtetit, ndërsa rasti do të hetohet si ‘hetim i vdekjes’”, ka thënë, zëdhënësi Hashani. /GJILANI INFO/
