Bullgaria do të dërgojë një kontingjent prej 100 ushtarëve në Kosovë, në kuadër të KFOR-it.
Dislokimi, sipas agjencisë bullgare të lajmeve “Novinite”, shënon një kontribut të rëndësishëm në përpjekjet e NATO-s për të ruajtur paqen dhe stabilitetin në rajon.
Ceremonia e dërgimit të kontingjentit ushtarak në Kosovë do të mbahet në sheshin Georgi Izmirliev në Blagoevgrad sot (e enjte). Ata do të zbarkojnë në Kosovë në javët në vijim.
Kontingjenti përbëhet kryesisht nga Komanda e Brigadës së Tretë në Blagoevgrad, e cila do të dislokohet për operacione me Forcën e Stabilizimit të NATO-s në Kosovë ( KFOR ).
Aktualisht, Bullgaria ka rreth 48 ushtarë në Kosovë. Ky numër do të rritet në rreth 150.
