Mot sot i ftohtë dhe me vranësira në Kosovë, gjatë mëngjesit priten reshje shiu

Sot në Kosovë do të mbajë mot kryesisht i vranët dhe i ftohtë.
Gjatë orëve të mëngjesit priten reshje lokale shiu, ndërsa gjatë ditës vranësirat do të vazhdojnë të jenë prezente, me mundësi të vogël për reshje.

Temperaturat minimale do të zbresin rreth 0°C, ndërsa maksimalet do të arrijnë deri në 6°C.

Në viset malore parashihen reshje bore. Gjatë mbrëmjes pritet dobësim i reshjeve dhe gradualisht kthjellim i motit.

Qytetarëve u rekomandohet të kenë kujdes gjatë qarkullimit në trafik për shkak të kushteve atmosferike dhe temperaturave të ulëta./Gjilani Info/