Drejtoria Rajonale e Policisë në Gjilan, Njësia Rajonale e Trafikut Rrugor dhe Stacionet Policore, gjatë periudhës 7 korrik – 13 gusht 2026, kanë shqiptuar gjithsej 1,737 gjoba në kuadër të planeve operative për rritjen e sigurisë në trafik.
Gjatë kësaj periudhe janë hetuar 27 aksidente me dëme materiale dhe 24 aksidente me persona të lënduar.
Po ashtu, Policia ka shqiptuar: 35 gjoba për përdorim të telefonit gjatë drejtimit të automjetit;
73 gjoba ndaj drejtuesve të motoçikletave; 8 gjoba për shkaktim të zhurmës gjatë natës si dhe
54 masa ndalimi të drejtimit të mjeteve motorike.
Drejtoria Rajonale e Policisë në Gjilan u ka bërë apel të gjithë drejtuesve të automjeteve që të respektojnë rregullat e trafikut dhe të shmangin përdorimin e telefonit celular apo pajisjeve të tjera që shpërqendrojnë vëmendjen gjatë ngasjes.
Policia thekson se përdorimi i telefonit gjatë drejtimit të automjetit rrit rrezikun për aksidente dhe cenon sigurinë e të gjithë pjesëmarrësve në komunikacion./Gjilani INFO/
