Sot, festohet 1-vjetori i lansimit të Himnit të Gilanit, një projekt i shquar i mbështetur me pasion nga bashkëshortët Arsim Vranovci dhe Delvina Vranovci. Ky himn, i kënduar nga një figurë e njohur e muzikës sonë, Naser Berisha, ka shënuar një vit madhështor të promovimit dhe përhapjes së trashëgimisë kulturore të Gilanit.
Në këtë rrugëtim, ata gjetën mbështetjen dhe përkrahjen e artistit të shquar Naser Berisha, i cili me talentin dhe zërin e tij e bëri këtë himn të arrijë në lartësitë muzikore. Zëri i tij, bashkë me tekstin e veçantë, bën që Himni i Gilanit të jetë një këngë që prek zemrat dhe frymëzimin e çdo njeriu që e dëgjon.
Festojmë një vit të suksesshëm të këtij himni, dhe shpresojmë për shumë projekte të tjera të ngjashme në të ardhmen./GJILANI INFO/
