Shoqata e Prodhuesve të Qumështit të Kosovës (SHPQK) i është drejtuar me një kërkesë urgjente Ministrit të Bujqësisë duke kërkuar përshpejtimin e pagesave të subvencioneve për fermerët.
Sipas SHPQK-së, vonesat e fundit në ekzekutimin e këtyre pagesave kanë shkaktuar probleme të mëdha për fermerët, të cilët përballen me shpenzime të larta dhe mungesë të mjeteve financiare për inputet bujqësore dhe blegtorale.
Shoqata thekson se subvencionet janë një faktor kyç për qëndrueshmërinë e fermave dhe përballimin e inflacionit të lartë që ka ndikuar në rritjen e shpenzimeve për farëra, plehra, karburant dhe të tjera.
Vonesat, sipas tyre, po ndikojnë negativisht në planifikimin sezonal të fermerëve dhe në prodhimin e tyre përfundimtar.
SHPQK bën thirrje për ndërhyrje të menjëhershme nga Ministria për të siguruar mbështetjen e nevojshme në kohë për fermerët. /GJILANI INFO/
