Rastet e raportuara të dhunës gjinore në Kosovë si dhe kërkesat për urdhra mbrojtës kanë shënuar rritje gjatë viteve të fundit.
Dea Fetiu, hulumtuese në Qendrën Kosovare për Studime të Sigurisë tha se nga të gjeturat e këtij raporti del se gratë shpesh nuk kanë informacione se mund t’i kërkojnë të drejtat e tyre.
“Barrierat e raportimit ndër të tjera përfshijnë, mungesën e informacionit, stigmën sociale, mungesën e besimit në institucione, mungesën alternative, shkeljen e konfidencialitetit”, tha Fetiu.
Tjetër problem është se viktimat e dhunës shpesh detyrohen të kthehen në ambientet e dhunës.
Nga fokus-grupet nëpër komuna, disa nga faktorët kryesorë që çojnë në dhunë janë kushtet e këqija ekonomike, mentaliteti mbizotërues patriarkal, nivele të ndryshme arsimimi ndërmjet burrave dhe grave, praktikat e dobëta të raportimit mediatik të dhunës në baza gjinore që nuk e respektojnë të drejtën e tyre për privatësi.
