Prokuroria Themelore në Gjilan ka bërë të ditur se gjatë ditës së hënë, më 16 nëntor 2026, ka ndërmarrë disa veprime hetimore dhe procedurale lidhur me raste të ndryshme penale.
Me urdhër të prokurorit kujdestar, është ndaluar një person, i dyshuar për veprën penale “Lëndim i rëndë trupor”, nga neni 186 i Kodit Penal të Republikës së Kosovës.
Po ashtu, Prokuroria ka paraqitur një kërkesë për caktimin e masës së paraburgimit ndaj një personi, i dyshuar për veprën penale “Dhuna në familje”, nga neni 248 i Kodit Penal të Kosovës.
Ndërkaq, gjatë kësaj dite, Prokuroria Themelore në Gjilan ka ngritur gjithsej tetë aktakuza ndaj 11 personave, për vepra të ndryshme penale, si në vijim:
– Katër aktakuza ndaj pesë personave për veprën penale “Dhuna në familje”;
-Dy aktakuza ndaj dy personave për veprën penale “Vjedhja”;
-Një aktakuzë ndaj tre personave për veprat penale “Lëndim i lehtë trupor” dhe “Sulmi”;
-Një aktakuzë ndaj një personi për veprën penale “Vetëgjyqësia”.
Këto të dhëna janë bërë të ditura nga Prokuroria Themelore në Gjilan, në kuadër të raportimit për aktivitetet e saj të përditshme./Gjilani INFO/


