Prokuroria Themelore në Gjilan ka njoftuar se më 23 qershor 2026, në dy raste të ndara dhe me urdhër të prokurorit kujdestar, janë ndaluar tre persona të dyshuar.
Sipas njoftimit, një person është ndaluar nën dyshimin për kryerjen e veprës penale “Dhuna në familje”, ndërsa dy persona të tjerë për veprën penale “Lëndimi i lehtë trupor”, sipas dispozitave të Kodit Penal të Republikës së Kosovës.
Po ashtu, Prokuroria Themelore në Gjilan ka bërë të ditur se gjatë së njëjtës ditë ka ngritur shtatë aktakuza kundër nëntë personave për vepra të ndryshme penale.
Dy aktakuza janë ngritur kundër katër personave për veprën penale “Lëndim i lehtë trupor”, një aktakuzë kundër një personi për veprën penale “Kanosje”, një aktakuzë kundër një personi për veprën penale “Vjedhje”, një aktakuzë kundër një personi për veprën penale “Posedimi i paautorizuar i narkotikëve, substancave psikotrope ose analoge”, një aktakuzë kundër një personi për veprën penale “Dhuna në familje” dhe një aktakuzë kundër një personi për veprën penale “Rrezikim i trafikut publik”.
Prokuroria ka theksuar se do të vazhdojë trajtimin e rasteve në përputhje me kompetencat ligjore dhe procedurat në fuqi./Gjilani INFO/
