Prokuroria Themelore në Gjilan ka njoftuar se në tri raste të ndara, me urdhër të prokurorit kujdestar, janë ndaluar shtatë persona të dyshuar për vepra të ndryshme penale.
Sipas Prokurorisë, një person është ndaluar për veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”, ndërsa një tjetër për “Posedimi i paautorizuar i narkotikëve, substancave psikotrope ose analogeve”.
Po ashtu, tre persona janë ndaluar për veprën penale “Lëndim i lehtë trupor”, ndërsa dy të tjerë për “Dhuna në familje”, sipas Kodit Penal të Kosovës.
Ndërkohë, Prokuroria Themelore në Gjilan ka bërë të ditur se ka ngritur edhe një aktakuzë kundër një personi për veprën penale “Kanosje”./Gjilani INFO/
