Mirishahe Limani Hiler
Në mendësinë tonë duhet ta mësojmë që të mos e urrejmë tjetrin edhe pse nuk pajtohemi me ato që ai shprehë e qëndrimin që ai mbanë.
Evolucioni i një shoqërie apo thjeshtë mendësia e tij, nuk mundë të zhvillohet pa u ballafaquar me kundërshtime. Këndvështrimi i shumë gjërave në jetë është i paevitueshëm.
Për t’më bindur, t’i duhet të sjellësh fakte bindëse. Mirëpo, edhe nëse dëshiron të ngjitesh në majë të qëllimeve të synuara, pa pranimin e qëndrimeve të tjetrit, nuk do t’ia arrishë dot. Pranimi i tyre nuk do të thotë se ti do të bëhesh zbatues i opinioneve të tjetrit.
Përpikërija jote, bëhet pikërisht më e qartë në punët që ia beson vetes.
Të mos e përfillësh mendimin e tjetrit nuk të bënë as më të mirë e as më të dijshëm. Ai që mendon më ndryshe, nuk duhet të futet në kategorinë e armiqve të tu. Respekti për jetën e tjetrit, si tërësi, të bënë të jesh i respektuar. Gjithëmonë, nëse qëndrimi i tjetrit të nxitë ndjenjën e urrejtjes ndaj tij, duhet të rikthesh vështrimin tek vetja jota, të punosh edhe më shumë pikërisht në kërkim të një mendësie të hapur.
Mospërfillja e mendimit të tjetrit, nuk të bënë më të arsyeshëm.
Bindjet që ke, nuk janë medeomos fakte bindëse për tjetrin i cili duhet të të përulet mbase po që se nuk e bënë këtë do të jetë i urryer.
Zhvillimi i mendësisë njerzore, është i mundshëm vetëm nëse e kërkon me punë zhvillimin e vetes. Pa dyshim, ky zhvillim do të bëhet fakt bindës i tërë asaj që dëshiron të reflektohet në perimetrin tëndë të gjerë.
Mësohu të mos e urresh tjetrin vetëm e vetëm pse ai ka një opinion ndryshe nga i joti./GJILANI INFO/
