Policia e Kosovës ka publikuar statistikat e përgjithshme për 24 orët e fundit, ku është raportuar një aksident trafiku me pasojë fatalitetin dhe 30 aksidente të tjera me persona të lënduar.
Sipas të dhënave zyrtare, gjatë kësaj periudhe janë regjistruar gjithashtu 35 aksidente trafiku që kanë shkaktuar vetëm dëme materiale.
Në kuadër të aktiviteteve për sigurinë në trafik, policia ka shqiptuar 2,100 tiketa trafiku për shkelësit e rregullave të komunikacionit.
Ndërkaq, gjatë 24 orëve të fundit janë arrestuar 12 persona, tetë prej të cilëve janë dërguar në mbajtje. Një person është raportuar në vuajtje të dënimit, ndërsa nuk është shënuar asnjë rast i ndalimit policor.
Autoritetet vazhdojnë të apelojnë për kujdes të shtuar në trafik dhe respektim të rregullave të qarkullimit, me qëllim parandalimin e aksidenteve dhe ruajtjen e sigurisë së qytetarëve./Gjilani INFO/
