Gjatë ditës së sotme vendi ynë do të karakterizohet nga mot pjesërisht i kthjellët dhe i ngrohtë. Në orët e paradites do të mbizotërojë moti me diell, ndërsa në pjesën e dytë të ditës pritet zhvillim i vranësirave, të cilat lokalisht mund të sjellin reshje shiu të shoqëruara me bubullima.
Era do të fryjë e lehtë deri mesatare nga drejtimi i jugperëndimit dhe perëndimit, me shpejtësi 2–8 m/s, ndërsa në zonat ku zhvillohen vranësira mund të ketë edhe përforcime të përkohshme.
Temperaturat minimale do të lëvizin ndërmjet 13°C dhe 18°C, ndërsa ato maksimale pritet të arrijnë nga 29°C deri në 33°C./Gjilani INFO/
