Sot vendi ynë do të karakterizohet nga mot i qëndrueshëm në orët e paradites, ku do të mbizotërojë dielli. Megjithatë, gjatë ditës pritet shtim gradual i vranësirave, të cilat në disa zona mund të sjellin reshje të izoluara shiu.
Gjatë orëve të natës, reshjet pritet të bëhen më të shpeshta dhe të përfshijnë një pjesë më të madhe të territorit.
Era do të fryjë nga drejtime të ndryshme, me shpejtësi që varion nga 10 deri në 32 km/h.
Temperaturat minimale do të lëvizin ndërmjet 6 dhe 8 gradë Celsius, ndërsa ato maksimale pritet të arrijnë nga 19 deri në 24 gradë Celsius. Vlerat më të larta do të regjistrohen në Rrafshin e Dukagjinit./Gjilani INFO/
