Ministri i Mbrojtjes së Shqipërisë, Niko Peleshi ka njoftuar se një kontigjent do t’i bashkohet misionit të KFOR-it në Kosovë.
Ai tha se në këtë mënyrë shtohet dhe më shumë kontributi i Shqipërisë në NATO, raporton Zeri.info.
Peleshi tha se forcat e Shqipërisë janë gati të shërbejnë me qëllim ruajtjen e paqes e stabilitetit në rajon.
“Një tjetër kontigjent, i bashkohet misionit të KFOR, në Kosovë, duke e shtuar edhe më shumë kontributin e Shqipërisë në Aleancë. Pjesëmarrja jonë në këtë mision të NATO-s, është një tregues i qartë i vendosmërisë së Shqipërisë për të ndihmuar dhe mbrojtur paqen në rajon.
Duke njohur rëndësinë e madhe të KFOR, për Kosovën dhe Ballkanin Perëndimor, Forcat tona të Armatosura janë gati të shërbejnë përkrah kolegëve të tyre ndërkombëtarë duke konfirmuar rolin tonë si eksportues të paqes dhe sigurisë globale”, shkroi ai ndër tjera.
