Sadbere Gagica
Merr në duart tua
Zemrën time
Plagosur rëndë
Si shqiponja maleve
Do tretem kurbeteve
Metropoleve të panjohura
Larg vendlindjes
Udhë do të marr
Gjilani im i bukur
Kosova ime e dashur
Ende mban si litar në qafë
Një copë tokë Veriu
Nëse nuk më sheh
Unë jam në vargun tënd
Si puhizë e lehtë deti
Në portën tënde
Dhembja ime dallgë
Trëndafil me aromë dielli
Në gjoksin tënd
Sërish do vijë
Malli im i stinëve!
Dallëndyshe në pranverë
Do jem
Në strehëzën tënde
Do qetësohem
Më merr më vete
Sonte
Kur erërat përplasen
Në dritaren time të shpirtit!
