Kosova do të përfshihet nga mot me diell dhe temperatura të larta gjatë ditës, duke sjellë vapë në pjesën më të madhe të vendit.
Sipas parashikimit, era do të fryjë e dobët deri mesatare nga drejtimi perëndimor dhe veriperëndimor, me shpejtësi prej 1 deri në 6 metra në sekondë.
Temperaturat minimale do të lëvizin nga 13 deri në 16°C, ndërsa ato maksimale do të arrijnë nga 30 deri në 38°C, duke e bërë këtë një nga ditët më të nxehta të kësaj periudhe.
Qytetarëve u rekomandohet të shmangin ekspozimin e panevojshëm në diell gjatë orëve më të nxehta të ditës, si dhe të konsumojnë sa më shumë lëngje për të shmangur efektet e temperaturave të larta./Gjilani INFO/
