Kosova do të karakterizohet sot nga mot i paqëndrueshëm, me alternim të vranësirave dhe intervaleve me diell. Sipas parashikimeve meteorologjike, gjatë orëve të ditës vranësirat do të dendësohen gradualisht, duke krijuar kushte për reshje lokale shiu dhe shkarkime rrufesh në disa rajone të vendit.
Temperaturat minimale kanë lëvizur nga 13 deri në 16 gradë Celsius, ndërsa ato maksimale pritet të arrijnë ndërmjet 26 dhe 29 gradë Celsius.
Era do të fryjë kryesisht nga drejtimi veriperëndimor me intensitet të lehtë deri mesatar, me shpejtësi prej 1 deri në 11 metra në sekondë.
Për shkak të ndryshimeve të shpejta të kushteve atmosferike, qytetarëve u rekomandohet të jenë të përgatitur për reshje të përkohshme dhe stuhi lokale, veçanërisht gjatë pasdites dhe mbrëmjes./Gjilani INFO/
