Trajneri i skuadrës gjilanase, SC Gjilani, Gentjan Mezani ka vlerësuar lartë kundërshtarin e së shtunës Dukagjinin në konferencën për shtyp para gazetarëve në prag të takimit, i cili pritet të zhvillohet në Klinë.
I pari i shtabit teknik ka deklaruar se e kanë përgatitur sfidën, pasi që përballë do të kenë një kundërshtarë tejet të vështirë.
Ai shtoi se do të bëjnë të pamundurën që kjo të jetë finalja e fundit e këtij kampionati.
“Do të bëjmë të pamundurën pasi, tashmë dihet, i vetmi rezultat është fitorja. Do të jemi të gatshëm për ta zhvilluar këtë ndeshje dhe për të marrë maksimumin” ka thënë kryetrajneri i Gjilanit..
Përndryshe, Gjilani udhëton të shtunën më 25 Maj për t’u përballur me Dukagjinin në Klinë, në takimin që fillon nga ora 15:00 në “18 Qershori”. /GJILANI INFO/
