Me qëllim të avancimit të marrëdhënieve dypalëshe dhe për të nxitur vullnetin e mirë ndërmjet Austrisë dhe Kosovës, ambasadori austriak në Kosovë, Georg Schnetzer dhe zëvendësambasadorja austriake në Kosovë, Clarissa Castek, u takuan me Shoqatën e Miqësisë Kosovë-Austri në një takim informues.
Në takimin e mbajtur në Prishtinë, Shoqata e Miqësisë Kosovë-Austri u përfaqësua nga avokati Arsim Vranovci, president i Shoqatës së Miqësisë Kosovë-Austri, dhe anëtarët e nderuar të bordit të saj, Mag. Andreas Fritz, MA. Anila Statovci, Prof. Dr. Vjollca Hasani, Prof. Dr. Artan Dërmaku, si dhe Prof. Dr. Gazmend Qorraj.
Fokusi kryesor i këtij takimi ishte diskutimi informues dhe përforcimi i frymës së bashkëpunimit mes dy vendeve.
Austria dhe Kosova kanë një histori të marrëdhënieve diplomatike, marrëdhënie të cilat janë rritur ndjeshëm përgjatë viteve, ku populli i Kosovës vlerëson shumë mbështetjen e marrë nga Austria.
Ky takim ndërmjet ambasadorit Schnetzer dhe Shoqatës së Miqësisë Kosovë-Austri shërben si dëshmi e miqësisë së qëndrueshme mes Austrisë dhe Kosovës. Gjithashtu shënon një hap të rëndësishëm përpara në një marrëdhënie që është forcuar vit pas viti, një partneritet i ndërtuar mbi vlerat e përbashkëta dhe një vizion të ndritur për të ardhmen./GJILANI INFO/
