Kryetari i Kuvendit të Kosovës, Glauk Konjufca ka vizituar sot familjen e veprimtarit Ukshin Hoti në Krushë të Madhe.
Konjufca tha se sot po bëhen 23 vite prej kur forcat shtetërore të Serbisë e zhdukën patriotin dhe veprimtarin shquar Ukshin Hoti.
Kryeparlamentari theksoi se veprat e Ukshin Hotit edhe sot e kësaj dite na ndriçojnë rrugën tonë përpara.
“Zhdukja e tij 23 vite tash pas, shteti i Serbisë nuk ka dhënë fare përgjegjësi, askush nuk është gjykuar e as dënuar ndonëse dihen saktësisht kush ishin autoritetet e burgut ditën kur u zhduk Ukshin Hoti. Kjo tregon se ky shtet nuk po ëndërron drejtimin të cilin e ka pas në vitin 1998-1999 kundër popullit shqiptar”, u shpreh Konjufca.
Ai deklaroi se Hoti ka qenë një personalitet që nuk ka kalkuluar në pozita e favore, por gjithmonë ka qenë përkrahë popullit.