Në Konsullatën e Nderit të Republikës së Kosovës në Vjenë – Austri është mbajtur diskutimi për biznes dhe ekonomi, kurse kanë marrë pjesë personalitete autoritative dhe të shquara, si: Eurodeputeti, zotëri Lukas Mandl, zotëri Lulzim Pllana, Ambasador iRepublikës së Kosovës në Austri, zotëri Andreas Minnich, Deputet i Parlamentit Federal të Austrisë dhe President në ardhje i Shoqatës së Miqësisë Austriako-Kosovare, zotëri Manfred Brandner, Bitmedia dhe Konsull Nderi i Republikës së Kosovës në Styria, zonja Kasia Greco, Biznesmene, e përfshirë në funksione të Odës Ekonomike dhe Deputete e Parlamentit Regjional të Vjenës, zotëri Johannes Riepl, ish-Menaxher i Raiffeisen Bank dega në Kosovë, zotëri Arsim Vranovci, Avokat dhe Sipërmarrës nga Kosova, zotëri Richard Wagner, Ekspert Bankar, Dr. Kurzman, Partner Biznesor i zotëri Richard Wagner.
Në diskutimet e tyre janë prekur tema të ndryshme që ndërlidhen me biznesin dhe ekonominë, përfshirë sfidat dhe mundësitë për ndërmarrësi në Kosovë, rëndësinë e ndërtimit të marrëdhënieve të forta ndërmjet Austrisë dhe Kosovës, si dhe rolin e bankave dhe institucioneve financiare në promovimin e zhvillimit ekonomik.
Ndërkaq është diskutuar edhe për potencialin e rritjes së tregtisë dhe investimeve ndërmjetAustrisë dhe Kosovës, si dhe nevojën për bashkëpunim më të madh ndërmjet bizneseve në të dy vendet./GJILANI INFO/