Mirishahe Limani Hiler
Fillimi është shumë i thjeshtë: Nisja e shkruaj veq zi.
Shkruaj për burrat shqiptarë se janë pa edukatë, se ata i malltretojnë gratë. Dhe hop, « sa çelë e m’shelë sytë » t’thirrin n’debate televizive, analiste emrin ta thonë, bile bahesh edhe VIP, e « llajkat » veq t’fluturojnë.
Mandej nisja me « komente », fol zi e më zi për fe, « sa çelë e m’shelë sytë » analist veten e sheh: t’thirrin me folë për burka e dimija, t’thirrin me na kallxu qysh duhet me u dokë demokracia.
Për me u ba analist me famë, duhesh edhe historian vetes me i thanë: me folë për luftën, lehtë si me qenë ajo përrallë, me folë për politika globale, për interesa t’gushta e t’gjana, e nuk je ba askushi po s’tu sha njëmilion here nana.
Për me mujtë konkurrencën me e përballue, duhesh si analist me ditë dhe me aktrue: me u tallë me të varfrit, me bullizu fëmijë, me i pëqeshë plqetë, vetja n’qef me t’hy.
Analist me u ba duhesh me ditë me bërtitë, mundsisht tjetrin përballë me e trajtu me fjalët më banale; me folë për Amerikën e Rusinë, sikur t’ishin dy lagje në Prishtinë; me u tregu kokëfortë e « mendjen me na mbushë » se ti ke ndreqë bomba nukleare edhe kur ne kemi jetuar nëpër male.
Analist/e me u ba, kurrë s’ka qenë ma në trend: fol zi e ma zi për të drejtat gjinore, bingo, titullin analist/e e fitove; fol zi e ma zi për Krishtin dhe Muhamedin, bingo, titullin analist ia sigurove vetes./GJILANI INFO/
