“Shumë i lumtur të shoh e të njihem nga afër me bizneset shqiptare të cilat janë shndërruar në konkurrente me ato gjermane e të tjera këtu në Gjermani, kjo falë punës së palodhshme, korrekte e profesionale të shumë bashkatdhetarëve tanë”, ka thënë kryetarI i Aleancës për Ardhmërinë e Kosovës (AAK), dega në Gjilan, Nazim Gagica.
Gagica ka njoftuar se sot bashkë me kryetarin e AAK-së për Gjermani, mikun Ukë Blakaj, të jenë për vizitë në ndërmarrjen “Kroni” në Gjermani, një kompani serioze me pronar bashkëvendësin tonë nga Gjilani, anëtarin e kryesisë së degës së Aleancës një Gjilan, afaristin e humanistin e dalluar, Ilmi Mustafa.
“Afaristët tanë në Gjermani e kudo tjetër, vazhdojnë të mbeten shtylla më e fuqishme e zhvillimit ekonomik të Kosovës dhe mbështetje për mijëra familje tona. Është thuajse e pamundur të mendosh për ecjen para të Kosovës pa u mbështetur në diasporën tonë shqiptare. Mirënjohës përjetë. Falenderojmë përzemërsisht mikun tonë Ilmi Mustafa për pritjen e ngrohtë që na bëri sot”, ka thënë kreu i AAK-së, Dega ne Gjilan, Nazim Gagica. /GJILANI INFO/
