Sot për nder të Ditës Nacionale të Austrisë, Shoqata e Miqësisë Kosovë-Austri organizoi takim
simbolik me anëtarët e Bordit të Shoqatës së Miqësisë Kosovë-Austri, ku i pranishëm ishte edhe Deputeti nga Parlamenti i Kosovës njëherazi Kryetar i Grupit Parlamentar të Miqësisë Kosovë-Austri nga Parlamenti i Kosovës, z. Anton Quni.
Ky takim shërbeu si dëshmi e miqësisë së afërt të të dy shteteve, i cili përkon edhe me sloganin e Shoqatës së Miqësisë Kosovë-Austri “Dy shtete një zemër”.
Kjo ishte vazhdimësi e ceremonisë së organizuar më datë 25 tetor 2023 nga Ambasada Austriake në Kosovë, ku ishinprezent Presidenti i Shoqatës së Miqësisë Kosovë-Austri dhe disa anëtarë të Bordit të cilët patën kënaqësi të mirëpriten nga Ambasadori i Austrisë dhe njëkohësisht të takojnë edhe Kryetarin e Parlamentit të Kosovës z. Glauk Konjufca dhe Ministrin e Mbrojtjes së Republikës së Kosovës z. Ejup Maqedonci./GJILANI INFO/
