Dua Lipa, këngëtarja shqiptare me famë botërore, nuk ngurron në asnjë moment të flasë për prejardhjen e saj shqiptare, përcjell albinfo.ch.
Në një intervistë të dhënë së fundmi, këngëtarja ka folur për vajzat shqiptare dhe trendet e bukurisë që ndiqen në Shqipëri dhe Kosovë. Ajo tha se vetëbesimi i vajzave shqiptare është veçoria që asaj i pëlqen më shumë.
“Nuk do të thosha domosdoshmërisht se ekziston një trend i bukurisë, por gjëja që më duket më frymëzuese te gratë e Kosovës është vetëbesimi i tyre”, u përgjigj Dua Lipa.
Këngëtarja e viziton shpesh Shqipërinë dhe Kosovën, teksa në dy vjetët e fundit ka kaluar pushimet në jug të vendit, duke u bërë dhe një promotore e Shqipërisë turistike.
