Deputeti i Parlamentit Evropian Lukas Mandl, ka reaguar pas mesazheve të luftës drejtuar Kosovës, të cilat u shpalosën nga tifozët e klubit serb Crvena Zvezda, në ndeshjen ndaj Fiorentinës në Beograd. Tifozët serb në këtë ndeshje kanë vendosur banera nacionalistë në të cilët thuhej “Kur ushtria të kthehet në Kosovë”.
“Ju ende dëshironi të sanksiononi, cilin vend? Kosovën? Josep Borrell, Oliver Varhelyi, Miroslav Lajçak a e shihni se çfarë po ndodh? Le të qetësohemi. Le të kontribuojmë në uljen e tensionit, pajtimin, paqen. Gjithkush. Të gjithë ne”- ka shkruar Mandl në Twitter.
