Lajmi i mire nga Ambasadori i Kosovës në Gjermani, Faruk Ajeti, per njohjen e avokateve te licencuar prej Kosoves nga Gjermania, ka gëzuar gjithandej avokatet e vendit tone, sepse tashme ata kane mundesine per te ushtruar funksionine tyre edhe në Republikën Federale të Gjermanisë.
Njeri prej tyre, Avokati Arsim Vranovci, per Agjencionin e Lajmeve, Gjilani Info tha se fjala është per një lajm që duhet përshëndetur, sepse tani e tutje qytetarët nga Kosova, Shqipëria, Maqedonia e Veriut etj,, mund të bashkëpunojnë me avokatë të cilët komunikojnë me klientët e tyre në gjuhën amtare”.
Ai tha se tani avokatët nga Kosova kanë mundësi të bashkëpunojnë me avokatë nga Gjermania, ku edhe mund t’i ndajnë përvojat dhe praktikat e mira me ta në Gjermani, dhe së shpejti edhe në Kosovë.
Avokati Arsim Vranovci e ka vlerësuar vendimin ne fjal si një dëshmi të përpjekjeve të pandërprera të komunitetit ligjor të Kosovës për të mbështetur sundimin e ligjit dhe për të ngritur standardet profesionale.
Vranovci theksoi se kjo njohje jo vetëm që u ofron avokatëve kosovarë mundësi të zgjeruara, por gjithashtu thekson rëndësinë e edukimit dhe praktikës juridike të Kosovës në nivel global.
Pikëpamja e avokatit Vranovci mbetet e fokusuar nga e ardhmja, pasi ai parashikon rritje të bashkëpunimit
ndërmjet profesionistëve ligjorë nga Kosova dhe Gjermania. Ai parashikon një shkëmbim dinamik të
njohurive, përvojave dhe njohurive juridike, të cilat do të kontribuojnë në zhvillimin e vazhdueshëm të
të dy sistemeve ligjore dhe sidomos atij të Kosovës.
Avokati Arsim Vranovci e konsideron këtë moment si historik për vendin tonë dhe shpreh vlerësimin
dhe falenderimin e veçantë për Republikën Federale të Gjermanisë dhe për të gjithë akterët që e bënë
këtë vendim të mundur./GJILANI INO/FO/
