Author: admin

Prokuroria Themelore në Gjilan, gjatë 24 orëve të fundit, me urdhër të prokurorit, ka ndaluar pesë (5) persona, në kohëzgjatje prej 48 orëve. Ndalimet e personave me urdhër të prokurorit: Prokuroria Themelore në Gjilan, ka ndaluar pesë (5) persona, në kohëzgjatje prej 48 orëve, për veprat penale “Lëndimi i lehtë trupor” neni 185, dhe veprën penale “Asgjësimi apo dëmtimi i pasurisë” nga neni 321 i Kodit Penal të Kosovës./Gjilani INFO/

Në Komunën e Kamenicës u mbajt me sukses Kuvendi Zgjedhor i Këshillit të Nxënësve, një ngjarje e rëndësishme që shënon vitin e dytë të organizimit të zgjedhjeve komunale për përfaqësimin e nxënësve. Në këtë proces morën pjesë të tri shkollat e mesme të komunës, dhe zgjedhjet u monitoruan dhe u drejtuan nga organizata KYC, e cila siguroi transparencë dhe korrektësi në çdo hap të procesit zgjedhor. Pas procesit të votimit dhe me besimin e nxënësve, Blend Kastrati u zgjodh Kryetar i Këshillit të Nxënësve në nivel komunal për mandatin e tij të dytë. Ai arriti të sigurojë shumicën e…

Kryetari i Komunës së Kamenicës, Kadri Rahimaj, ka zhvilluar sot një takim zyrtar me U.D. Ministrin e Drejtësisë të Qeverisë së Republikës së Kosovës, z. Blerim Sallahu. Gjatë këtij takimi, Kryetari Rahimaj ishte i shoqëruar nga Drejtori për Shërbime Publike, Ambient, Inspektorat dhe Emergjenca, z. Zotrim Kastrati. Takimi u zhvillua në frymë bashkëpunimi konstruktiv, me fokus të veçantë në çështjet e interesit të përbashkët ndërmjet pushtetit lokal dhe atij qendror. Ata diskutuan për rëndësinë e bashkëpunimit dhe koordinimit ndërinstitucional, veçanërisht në fushën e zbatimit të ligjeve, forcimit të sundimit të ligjit, përmirësimit të shërbimeve publike dhe adresimit të sfidave me…

“Në vazhdën e takimeve në Turqi, u pritëm nga Fahrettin Gülener, pronar i grupit të ndërmarrjeve ERMETAL që numëron mbi 1600 punëtorë, e njëherit Kryetar i Bordit të Fondacionit ERTEV dhe konsull nderi i Kosovës në Bursa”, ka thënë kryetari i Komunës së Gjilanit, Alban Hyseni. Ai bëri me dije se ishtek y një takim i ngrohtë dhe bashkë diskutuan për zhvillimin ekonomik, investimet në shumë fusha dhe forcimin e bashkëpunimit mes shtetit të Turqisë dhe Kosovës. “E falënderojmë shumë z.Gülener për mikpritjen dhe gatishmërinë për të shkëmbyer përvoja në të ardhmen”, ka thënë kryetari Hyseni./Gjilani INFO/

Prorektori për Bashkëpunim Ndërkombëtar dhe Projekte në Universitetin Publik “Kadri Zeka” në Gjilan, Prof. Dr. Dukagjin Leka, së bashku me Dr. Sc. Berat Dërmakun dhe Petrit Canaj, Sekretar i Njësisë Akademike, kanë qëndruar në Shqipëri në kuadër të aktiviteteve akademike dhe projekteve ndërkombëtare. Vizita është realizuar me rastin e pjesëmarrjes në konferencën shkencore të organizuar në bashkëpunim me Universitetin e Tiranës, ku Universiteti Publik “Kadri Zeka” ka qenë bashkëorganizator. Po ashtu, gjatë kësaj vizite është trajtuar edhe projekti Erasmus+ CBHE “Strengthening of relations between HEIs and industry sector through Dual Education in Albania and Kosovo with the focus on…

Policia ka arrestuar pesë persona të dyshuar meshkuj kosovarë pasi që janë përfshirë në rrahje mes vete. “Të dyshuarit kanë pranuar tretman mjekësor, dhe pas intervistimit me vendim të prokurorit janë dërguar në mbajtje”, njoftojnë autoritetet policore./Gjilani INFO/

Një tërmet me magnitudë 3.1 është regjistruar sot në mëngjes në Kosovë, konkretisht në mes kufijve Kosovë–Serbi–Maqedoni e Veriut, sipas të dhënave nga Qendra Evropiane për Monitorimin e Tërmeteve (EMSC). Sipas EMSC-së, tërmeti ka ndodhur më 15 dhjetor 2025, në orën 06:20:10 sipas kohës universale (UTC), apo 07:20 sipas kohës lokale. Epiqendra e tërmetit është lokalizuar në koordinatat 42.373° N, 21.284° E, me një thellësi prej rreth 9 kilometrash.

Në Gjilan është arrestuar një person i mitur, i cili për shkak të një mosmarrëveshje i kishte sulmuar me thikë dy të mitur, rast ky të cilin policia e ka cilësuar si vrasje në tentative. Si pasojë e sulmit viktimat kanë pranuar tretman mjekësor e pastaj janë liruar. Në vendin e ngjarjes kanë dalë njësitë relevante policore dhe I dyshuari pas intervistimit me vendim të prokurorit është dërguar në mbajtje./Gjilani INFO/

Sot parashikohet të mbajë mot kryesisht i vranët, ndërsa pasdite pritet vranësirat të tërhiqen.Era do të fryjë kryesisht nga drejtimi i veriut, me shpejtësi prej 3-17 km/h, njofton MeteoKosova.Temperaturat minimale do të lëvizin prej 0 deri në 2°C, ndërsa ato maksimale prej 6 deri në 8°C./Gjilani INFO/

Janë arrestuar dy persona në Zhegër të Gjilanit nën dyshimin se kanë sulmuar fizikisht dy zyrtarë policorë, derisa po u shqiptohej një kundërvajtje në trafik, kanë njoftuar autoritetet policore. Bëhet e ditur se zyrtarët policorë dhe të dyshuarit kanë pranuar trajtim mjekësor, ndërsa me vendim të prokurorit të dyshuarit pas intervistimit janë dërguar në mbajtje./Gjilani INFO/