Policia e Kosovës (PK) njofton se është arrestuar E.M (19-vjeçar) në Gjilan, pasi dyshohet se përmes rrjeteve sociale, ka biseduar me vajza të mitura, me të cilat ka pëdorur fjalor nxitës seksual.
Lajmi u bë i ditur përmes një njoftimi nga policia, ku thuhet se Drejtoria Rajonale Gjilan, Njësiti i Hetimeve të Stacionit Policor, të enjten pas një pune operacionale ka lokalizuar dhe arrestuar të dyshuarin.
Njoftimi i plotë i Policisë:
Drejtoria Rajonale Gjilan, Njësiti i Hetimeve të Stacionit Policor me datën 01.09.2022 pas një pune operacionale ka lokalizuar dhe arrestuar të dyshuarin Kosovar E.M. (2003).
I dyshuari në disa faqe të internetit është shfaqur direkt (LIVE) në një video ku ka biseduar me vajza me fjalor degradues, edhe pse vajzat kanë treguar se janë të mitura 16-17 vjeçare ndërsa njëra prej tyre 18 vjeçare, i dyshuari edhe pse e kupton që është duke komunikuar me të mitura ai flet fjali nxitëse seksuale.
Video në fjalë është shpërndarë edhe nëpër rrjete të ndryshme sociale TikTok, youtube etj.
I dyshuari është intervistuar në bazë të procedurave ligjore.
Me urdhër të Prokurorit të Shtetit për Krime të Rënda i dyshuari është ndalur në mbajtje për 48 orë dhe rasti me kallëzim penal “Degradim i integritetit seksual” procedohet për në Prokurorinë Themelore në Gjilan.
