Presidenti i Shoqatës së Miqësisë Austriako-Kosovare, Andreas Minnich, ka shprehur ngushëllime për vrasjen e rreshterit Afrim Bunjaku, nga sulmi terrorist i së dielës në Banjskë.
Përmes një reagimi zyrtar, Minnich ka thënë se autorët e këtij akti të neveritshëm duhet të mbajnë përgjegjësi.
Ky është reagimi i plotë i tij:
Kujtojmë Afrim Bunjakun, polici i Kosovës i vrarë me armë zjarri në krye të detyrës.
Ne dënojmë fuqishëm sulmin e neveritshëm ndaj policisë së Kosovës. Zemra jonë është me familjen e oficerit të vrarë dhe dy oficerët e plagosur.
Autorët duhet të mbajnë përgjegjësi dhe për këtë arsye është absolutisht e nevojshme të bëhet hetim i plotë.
Kosova dhe Serbia duhet t’i kthehen menjëherë normalizimit të marrëdhënieve./GJILANI INFO/
