Policia e Kosovës në bashkëpunim dhe koordinim me institucionet kompetente, ka nisur sot në orët e hershme të mëngjesit një operacion policor në disa rajone të Kosovës.
Operacioni i policisë po zhvillohet në Prishtinë, Gjilan, Gjakovë dhe Mitrovicë.
Kështu ka konfirmuar për telegrafin, zëdhënësi i policisë Baki Kelani.
“Mund të konfirmojmë se, sot në orët e hershme të mëngjesit, Policia e Kosovës në bashkëpunim dhe koordinim me institucionet kompetente ka filluar realizimin e një operacioni policor i cili përfshinë disa rajone të Kosovës, si DRP Prishtinë, DRP Gjilan, DRP Gjakovë dhe DRP Mitrovicë Jugu”, ka thënë Kelani.
Policia nuk ka dhënë detaje shtesë mbi natyrën e operacionit. Ai ka shtuar se pas përfundimit të opeacionit policor do të bëhen të ditura informacionet shtesë.
