Muajve të fundit në repartin e kirurgjisë në Spitalin e Përgjithshëm të Gjilanit janë kryer disa operacione të komplikuara të tumorëve të zorrëve të holla dhe të zorrës së trashë me reseksion të tyre, në vazhden e punëve të mira që bëhen këtu.
Sic dihet, kanceri i zorrës së hollë është një sëmundje e rrallë në të cilën qelizat malinje (kancer) formohen në indet e zorrës së hollë. Zorra e hollë është pjesë e sistemit tretës të trupit, qe gjithashtu përfshin ezofagun, stomakun dhe zorrën e trashë.
Gjithashtu edhe tumori i zorrës së trashë është formacion tumoral me qeliza atipike që rritet në paretin e zorrës së trashë dhe duke u zhvilluar, prek gradualisht gjithë murin e saj dhe përhapet lokalisht dhe në distancë në organe të tjera të trupit.
Intervenimet per keto raste janë kryer nga ekipi i kirurgëve, anesteziologëve dhe stafit teknik të Spitalit.
Është evidente që me ardhjen e dy kirurgëve të rinj në SPGJ, Dr.Arbër Morina dhe Dr.Alban Bislimaj është rritur gama e shërbimeve në repartin e kirurgjisë duke mbretëruar një frymë e punës dhe e bashkëpunimit e cila po sjellë dobi në cilësi dhe siguri të sherbimeve shëndetësore, bëhet e ditur përmes faqes zyrtare të Spitalit të Përgjithshëm në Gjilan. /GJILANI INFO/
