Nga Gëzim Muçolli
Në javët e fundit nëpër Kosovë kanë ndodhur shume zjarret që po djegin mbetjet e kashtës në arat e korrura, livadhet dhe pyjet.
Po dëgjohen arsyetime të ndryshme por është një fakt i pamohuar, se gati çdo herë se është dora e njeriut që i shkakton ato!
Piromanët janë armiq të vendit!
Pasojat e këtyre zjarreve do të shihen më vonë në (mos) shëndetin e popullsisë. Do të mund të krahasohen me rastet e vdekjes nga Covid dhe rastet e shtuara me kancer në vitet e fundit.
Po pyes me brengë dhe dhimbje:
A po i mat ndokush vlerat e shtuara në ajër të :
Monoksid i karbonit
Oksidet e Azotit
VOC (kompostet organike volatile) dhe
Nivelin e Ozonit në sipërfaqet e përfshira nga zjarret e shumta.
Dua t’i këshilloj të gjithë ata që jetojnë në zonat e përfshira nga zjarret që të përdorin maskat FFP2 (ato që përdoreshin gjatë pandemisë për mbrojtjen nga koronavirusi), që deridiku të mbrohen nga pasojat e pranisë së grimcave të dëmshme dhe materieve të dëmshme në tymin që po e helmon Kosovën.
Edhe një herë: zjarrvënësit janë armiq dhe duhet t’i kap Kodi penal i Republikës së Kosovës !!!
