Shemsi Syla, Zëvëndësministër i Mbrojtjës, Luan Aliu, Deputet i Parlamentit të Kosovës dhe Bejtullah Osmani, Drejtor për Mbrojtje dhe Shpëtim në Gjilan, në 44 vjetorin e vrasjes tinëzare nga UDB-ja serbe, kanë përkujtuar dhe ndereruar poetin unik e atdhetarin e madh, Rexhep Elmazin, njëherit udhëheqësin e Komitetit për Gjilan në Lëvizjen për Bashkimin e Shqiptarëve, organizatës patriotike, në krye të së cilës ishte atdhetari, Adem Demaçi.
Të njejtit, pas homazheve pranë varrit të tij, kanë vizituar familjen e tij, ku edhe janë pritur ngrohtësisht nga bashkëshortja e Rexhep Elmazit, i biri Salvadori dhe familjarët.
“Vepra patriotike e burrit të madh të kombit – Rexhep Elmazi, ka vendin e pazëvendësueshëm në historinë e përpjekjeve për Liri dhe Bashkim, prandaj edhe meriton fuqishëm vendin dinjitoz në piedestalin e figurave më të rëndësishme të Gjilanit, Anamoravës, Kosovës dhe trojeve shqiptare në përgjithësi”, ka thënë, Zëvëndësministri i Mbrojtës, Shemsi Syla.
Ai ka thënë se i lavdishëm mbetet gjithmonë, Rexhep Elmazi dhe e përjetshme është vepra madhështore e tij në shërbim të Lirisë së Kombit dhe Atdheut./GJILANI INFO/
