Të premten e kësaj jave, Gjilani ishte shnderruar ne kryeqender te diplomacisë pasi brenda një dite “zbarkuan” dhjetëra diplomatë austriakë në krye me eurodeputetin z. Lukas Mandl.
Dhe ai që e bëri të mundur gjithë këtë organizim ishte avokati zoteri, Arsim Vranovci, njeri me gjitha karakteristikat e nje lideri te fuqishem, presidenti i Këshillit të Bizneseve nga Rajoni i Gjilanit (GRBC) dhe mik i ngushtë i eurodeputetit zoteri Lukas Mandl.
Ishte pikërisht avokati Vranovci, ai i cili ia propozoi Universitetit Publik “Kadri Zeka’’ në Gjilan që t’i jepet titulli “Doctor Honoris Causa” , eurodeputetit Mandl.
Ceremonia e dhënies së titullit “Doctor Honoris Causa” u mbajt në Teatrin e Qytetit të Gjilanit,
në praninë e qindra pjesëmarrësve, përfshirë rektorë të universiteteve partnere, diplomatë dhe
ambasadorë të ndryshëm evropianë si dhe përfaqësues të institucioneve të nivelit qendror dhe
lokal, kurse ky eveniment u moderua në mënyrë perfekte nga bashkëshortja e Z. Vranovci, Delvina
Vranovci, duke deshmuar se bashkëshortët dijne, duan dhe mund t’ia dalin gjithmonë.
Megjithatë, fjalimi që ngjalli më së shumti emocione ishte ai i Avokatit Vranovci i cili ndër të
tjera tha:
“Kjo është vetëm një vepër e jona simbolike kundrejt kontributit madhështor të mikut tonë zoteri
Lukas Mandl në promovimin e Kosovës në Parlament Evropian, dhe gjithandej nëpër qarqet
diplomatike në Evropë”.
Në vijim zoteri Vranovci iu adresua nënës së eurodeputetit Mandl e cila po e përcillte ngjarjen nga
Austria përmes platformave online, ku edhe tha:
“Mbrëmë vonë pranova një e-mail nga nëna e z. Lukas Mandl, e cila më falënderonte për punën
time dhe për nderin e dhënë për djalin e saj përmes organizimit të këtyre dy ngjarjeve.
Po e shfrytëzoj rastin që t’i them nënës së Lukasit, ti je një nënë e bekuar e cila e ka sjellë në jetë
një djalë si Lukas Mandl. Prandaj, nga Gjilani dhe Kosova të përshëndesim dhe të themi
faleminderit që na i dhe djalin tënd edhe neve dhe tani kemi edhe një gjilanas të ri me emrin
Lukas Mandl”.
Kjo emocionoi shumë tashmë laureatin Mandl dhe babanë e tij të pranishëm në ulëset e Teatrit
të Gjilanit, të cilët nuk mund të permbaheshin nga emocionet.
E, kjo afërsi u vu në pah edhe gjatë fjalimit të z. Lukas Mandl i cili nuk hezitoi të falënderojë zoteri
Vranovcin dhe familjen e tij.
Kjo ngjarje, e cila mori jehonë shumë të madhe meqë pati mbulueshmëri të madhe mediatike, u
pasua nga Gala Mbrëmja e organizuar nga Këshilli i Bizneseve të Rajonit të Gjilanit (GRBC) në
nder të eurodeputetit Lukas Madl, me ç’rast ai u nderua me titullin “Anëtar Nderi” i Bordit të
GRBC-së./GJILANI INFO/
