Brigada e 68-të e këmbësorisë Jager e Ukrainës, ka realizuar një operacion kundër forcave pushtuese ruse, duke i detyruar të tërhiqen nga fushëbeteja.
Videoja e filmuar nga ajri shfaq momentin kur tanket ruse goditen me predha, e derisa po digjeshin ushtarët rusë dilnin nga to dhe vraponin me tërë forcën për t’i shpëtuar vdekjes, transmeton Telegrafi.
Pamjet nga droni tregojnë edhe një herë se ukrainasit janë “arrë e fortë” për rusët, që kishin menduan se për tri ditë do të arrijnë ta marrin nën kontroll kryeqytetin ukrainas.
Në anën tjetër, kundërofensiva e ukrainasve i ka detyruar trupat ruse të tërhiqen nga shumë rajone, e më i fundit është nga qyteti Kharkiv.
Ndryshe presidenti ukrainas Volodymyr Zelensky, i ka bërë thirrje vendeve perëndimore që t’i dërgojnë sa më shumë armë të sofistikuara që t’i kundërvihen agresionit rus.