Greva do të vazhdojë edhe më tutje, ka njoftuar SBAShK-u.
Në takimin e së shtunës në mes të kryeministrit Albin Kurtit dhe kryetarit të Bashkimit të Sindikatave të Pavarura të Kosovës, Atdhe Hymolli, sindikalistëve s’u është ofruar zgjidhje për ndërprerje të grevës.
Hymolli të dielën ka treguar se me Kurtin ka debatuar, por zgjidhje s’ka pasur.
Sindikata po kërkon 100 euro shtesë, ndërkaq qeveria ka ndarë nga 50 euro për të gjithë punonjësit publikë.
