Tre persona kanë humbur jetën ditën e shtunë në aksidente trafiku në Kosovë.
Në raportin e Policisë, po ashtu bëhet e ditur se brenda 24 orëve kanë ndodhur edhe 26 aksidente trafiku me persona të lënduar edhe 36 tjerë vetëm me dëme materiale.
Gjeni më poshtë rastet e ndara sipas raportit
Autostradë, Lipjan (NN) 20.05.2023 – 14:20. Është raportuar për një aksident trafiku mes dy kamionëve, njëri me targa vendore dhe tjetri me targa të shtetit të Shqipërisë me drejtues meshkuj dhe si pasoj përveç dëmeve materiale lëndim vdekje prurës ka pësuar viktima mashkull shtetas i Shqipërisë, vdekjen e të cilit e ka konstatuar ekipi mjekësor në vendin e ngjarjes. Me vendim të prokurorit trupi i pajetë është dërguar në IML për Obduksion.
Fshaj, Gjakovë 20.05.2023 – 13:10. Raportohet për një aksident trafiku në mes një veture dhe një kamioni me drejtues meshkuj kosovar. Si pasoj e aksidentit lëndime trupore kanë pësuar i dyshuari dhe tre viktima, të cilët janë dërguar për tretman mjekësor në spitalin e Gjakovës, dhe sipas mjekëve njëri prej tyre, viktima mashkull kosovar ka qenë pa shenja jete. I dyshuari vazhdon trajtimin mjekësor në spitalin e Gjakovës ndërsa dy viktimat tjera pas tretmanit mjekësor lirohen për në shtëpi. Me vendim të prokurorit trupi i pa jetë i viktimës është dërguar në IML për obduksion, dhe rasti procedohet në procedurë të rregullt.
